марштық қозғалтқыштар

(Маршевые двигатели)

ұшу аппараты (мыс., ракетаның) траекториясының бүкіл белсенді бөлігінде жұмыс істейтін ракета қозғалтқыштары. Олар қозғалыс энергиясының басым (көбінесе бүкіл) бөлігін береді. М.қ. негізгі қозғалтқыш ретінде ұрыстық, зерттеу және ғарыштық ракеталарда, реактивтік торпедаларда, ұшақтарда (ракетопландарда) және басқа ұшу аппараттарында орнатылады. М.қ-дың жұмыс уақыты ұшу аппараттарында орналасқан өзге күш қондырғыларынан айтарлықтай ұзақ. Егер ракета көп сатылы болса, оның әрбір сатысының М.қ-ы болады. Ұшу аппараттарының корпусында қатты тіреуіші бар марштық қозғалтқыш көп жағдайда аппараттың артқы бөлігінде немесе сатысында (көп сатылы ракетада) орналасады. Баллистикалық ракеталарда, әдетте, ракеталық М.қ., ал қанатты ракеталарда әуе-реактивтік М.қ. орнатылады.